Aoveral zal Vrede wèzen

Aoveral zal Vrede wèzen.
’t Begunt in ’t harte van de mèensen.
Van daoruut stroomt het de straoten in.
Aover ’t laand.
Naor plekken, het wiedste weg.

En de mèensen stopt
mit waor ze mit an de gaank bint.
Ze gaot der veur zitten.
Ze vuult dat er wat bezunders
an de gaank is.

Een groot gevuul van liefde en vrede
spuult aover de eerde.
Veur het eerste
vanof dat der mèensen bint,
gaot hèur de ogen lös.

Ze ziet het wonder.
Ze ziet het mooie der van.
Bij menaar in d’ogen.

Ze weet weer,
wat ze al laank
waren vergèten...

deel ie dit? Dank oe wel - Deel ie dit? Dank oe wel - Deel ie dit? Dank oe wel